Səudiyyə Ərəbistanı paytaxt Ər-Riyadın mərkəzini transformasiya etməyə hazırlaşır.
Manset.az-ın xarici mediaya istinadən məlumatına görə, ölkənin Dövlət İnvestisiya Fondundan verilən yeni açıqlamaya əsasən, şəhərin mərkəzində kub şəklində nəhəng struktur tikiləcək. Ərəbcə kub mənasını verən “Mukaab” adlı bu binanın “Ər-Riyadın yeni siması” və “dünyanın ən böyük müasir şəhər mərkəzi” olacağı bildirilir.
Ər-Riyad hava limanından 20 dəqiqəlik məsafədə yerləşəcək nəhəng binanın içərisində spiral formalı göydələn olacaq. Sözügedən göydələn ölkənin ənənəvi memarlıq üslubu Nejddən ilhamlanaraq üst-üstə düşən üçbucaqlı strukturların fasadı ilə əhatə olunacaq və birlikdə kub formalı quruluşu meydana gətirəcək.
Layihənin ən geci 2030-cu ilə qədər başa çatdırılması planlaşdırılır.
Manşet.az
