Ukrayna Silahlı Qüvvələri Rusiyanın işğalı altında olan Donetsk vilayətində ilk yaşayış məntəqəsini azad edib.
Manset.az BAKU.WS-ə istinadən xəbər verir ki, bu barədə Ukrayna müdafiə nazirinin müavini Anna Malyar teleqramda yazıb.
O bildirib ki, Volnovaxa rayonunda yerləşən Rivnopol kəndi artıq Ukrayna ordusunun nəzarəti altındadır.
Xatırladaq ki, ötən gün Ukrayna Silahlı Qüvvələri Donetsk vilayətində əks-hücum əməliyyatına başladığını elan etmişdi. Rusiya Müdafiə Nazirliyi yaydığı məlumatda əks-hücum iddiasını doğrulayıb.
