İtaliyada sərxoş vəziyyətdə avtomobil idarə etmənin qarşısını almaq və ölkə daxilində ölümlə nəticələnən yol qəzalarını azaltmaq üçün pulsuz taksi xidməti layihəsi sınaqdan keçirilir.
Bu barəa Manset.az Trt Haber-ə istinadən məlumat verir.
İtaliyanın 6 bölgəsində başlayan və hələ sınaq mərhələsində olan layihə çərçivəsində spirtli içki aludəçilərinə sərxoş vəziyyətdə avtomobil idarə etmənin qarşısını almaq üçün pulsuz taksi xidməti təklif edilir.
Layihədə, xüsusilə gecə klublarından çıxan insanlara tətbiq edilən spirt testində səviyyənin qanuni həddi aşdığı müəyyən olunarsa, taksi çağırılaraq təhlükəsiz şəkildə evlərinə aparılmaları istənilir.
İtaliyanın baş nazirinin müavini, nəqliyyat və infrastruktur naziri Matteo Salvini tərəfindən dəstəklənən layihənin sınaqları sentyabrın ortalarına qədər davam edəcək.
Digər tərəfdən, müxalifət sözügedən layihənin "gəncləri həddindən artıq spirt istehlakına sövq etdiyini" iddia edərkən, bəzi vətəndaşlar isə pulsuz xidmətin vergilərlə əhatə olunacağını bildirərək buna etiraz ediblər.
Jalə
Manşet.az
