Nigerdə hakimiyyəti ələ keçirən hərbi xunta prezident Məhəmməd Bazumu "vətənə xəyanət" maddəsi ilə mühakimə etmək istədiyini açıqlayıb.
Manset.az Anadolu Agentliyinə istinadən xəbər verir ki, xunta Bazum və onun tərəfdarlarının ölkənin təhlükəsizliyini təhlükəyə atdıqlarını iddia ediblər. Xunta bir çox Qərbi Afrika siyasətçiləri və beynəlxalq ictimaiyyətin bəzi nümayəndələri ilə əlaqəli lobbilərin onlara qarşı yalan xəbərlər yaydığını və həmrəy olduğunu bildirib.
Qeyd edək ki, iyulun 26-da Niger prezidenti Məhəmməd Bazum Mühafizə Alayının üzvləri tərəfindən saxlanılıb. Elə həmin axşam alay komandiri general Abdurrahman Tchiani administrasiyanı ələ keçirdiklərini bildirib. Tchiani Vətəni Mühafizə üzrə Milli Şura adlanan xuntanın rəhbərliyini öz üzərinə götürüb və müvəqqəti hökumətin başçısı olub. Xunta ölkəni demokratik seçkilərə aparacağını bildirib.
Aygün
Manşet.az
