Qərbi Afrika Dövlətlərinin İqtisadi Birliyi (ECOWAS) iyulun 26-da Nigerdə hakimiyyəti ələ keçirən hərbi hökumətin 3 illik keçid hökuməti planını rədd edib.
Manset.az xəbər verir ki, ECOWAS-ın Siyasi Məsələlər, Sülh və Təhlükəsizlik üzrə komissarı Abdel-Fatau Musah BBC-yə verdiyi müsahibədə Nigerdə Vətəni Müdafiə Milli Şurası (CNSP) adlandırılan keçid hökumətinin lideri Abdurrahmane Tchianinin 3 illik keçid planının qəbuledilməz olduğunu bildirib.
Tchianinin təklifinin dialoq və diplomatiya üçün yalnız “tüstü pərdəsi” olduğunu qeyd edən Musah, “ECOWAS yenidən regionda uzunmüddətli keçidi qəbul etmir. Sadəcə, onlar (hakimiyyəti) mümkün qədər tez təhvil verməyə hazır olmalıdırlar” deyib.
Musah deyib ki, hərbçilər hökuməti mülki şəxslərə nə qədər tez qaytarsa və Nigerin ərazi bütövlüyünü müdafiə etmək kimi əsas vəzifələrinə diqqət yetirsə, bir o qədər yaxşıdır.
Qeyd edək ki, Abdurrahmane Tchiani avqustun 19-da xalqa müraciətində mülki idarəçiliyə keçidin ən çox 3 ilə tamamlanacağını açıqlayıb.
Aygün
Manşet.az
