Hindistanda daşqınlar nəticəsində 14 nəfər öldü - 100-dən çox itkin düşən var

Hindistanın şimal-şərqindəki əyalətdə daşqın baş verib.

 

Manset.az xəbər verir ki, bu haqda “Hindustan Times” məlumat yayıb.

Əyalətin Dövlət Fəlakət İdarəetmə İdarəsinin baş direktoru Prabhakar Rai qeyd edib ki, yerli vaxtla saat 22:00 radələrində Laçen bölgəsində suyun səviyyəsi qəfil qalxıb və daşqın olub.

Rəsmilər ilkin məlumatlara görə, seldə 14 nəfərin həyatını itirdiyini, 23-ü əsgər olmaqla 120 nəfərin itkin düşdüyünü açıqlayıb.