Qənirə Paşayeva Türk dünyasını çox sevirdi. Onun Türkiyə Cümhuriyyətinin yaranmasının 100 illiyinə həsr etdiyi “Addım-addım Türkiyə” sənədli filmi Türkiyənin tanıdılmasına bir töhfədir.
Manset.az xəbər verir ki, bunu Türkiyənin ölkəmizdəki səfiri Cahit Bağçı mərhum deputat Qənirə Paşayevanın Türkiyə Cümhuriyyətinin yaranmasının 100 illiyinə həsr etdiyi “Addım-addım Türkiyə” sənədli filminin təqdimat mərasimində deyib.
Qənirə Paşayevanı hələ 2008-ci ildən tanıdığını deyən C.Bağçı onun Türk dünyasına çox bağlı olduğunu, hər bir türk üçün narahat olduğunu diqqətə çatdırıb.
Mərhum deputata Allahdan rəhmət diləyən diplomat deyib: “Qənirə Paşayeva Türk dünyasının cəsur qadını idi. O, az ömür sürsə də, üç insan ömrünə bərabər işlər görərək özündən sonra iz qoyub getdi”.
