Türkiyənin Van şəhərinin Başkale rayonunda hərbi maşının qəzaya uğraması nəticəsində hərbçilər yaralanıb.
Manset.az Türkiyə mətbuatına istinadən xəbər verir ki, hərbçiləri daşıyan nəqliyyat vasitəsi Vandan Hakkariyə gedən hərbi konvoyda olan zirehli maşın naməlum səbəbdən idarəetmədən çıxaraq aşıb.
'Kirpi' adlı hərbi maşınında olan əsgərlərdən biri ağır olmaqla, 6 əsgər yaralanıb.
Qəzadan sonra hadisə yerinə polis, sağlamlıq və xilasetmə qrupları sövq edilib. Yaralı əsgərlər təcili tibbi yardım maşını ilə xəstəxanaya göndərilib. Yaralı əsgərlərdən birinin vəziyyətinin ağır olduğu bildirilib.
Jalə
Manşet.az
