Türkiyədə, Siirtin Şirvan rayonunun Maden kəndində mis mədənində naməlum səbəbdən çökmə baş verib.
Manset.az BAKU.WS-ə istinadən xəbər verir ki, hadisə nəticəsində 3 nəfər ölüb, 2 nəfər yüngül xəsarətlər alıb.
Siirt valisi Kemal Kızılkayanın sözlərinə görə, hadisə ötən gecə yerli vaxtla saat 01:25-də baş verib.
Əraziyə təcili tibbi yardım, AFAD nümayəndələri və xilasedicilər cəlb olunub:
“Hazırda dostlarımızın bizə verdiyi məlumata görə, mədən ərazisində digər zəruri ehtiyat tədbirləri görülüb və heç bir təhlükəli vəziyyət yoxdur. Təkrar keçmiş olsun”.
Mədəndə baş verən çökmə ilə bağlı Siirt Cümhuriyət Baş Prokurorluğu tərəfindən araşdırma başladılıb. İstintaq çərçivəsində Y.K., A.T. və D.A. saxlanılıb.
