Çində bir tələbə təcrübə keçdiyi şirkətdə ardıcıl beş gecə canlı oyun yayımladıqdan sonra yorğunluqdan həyatını itirib.
Manset.az-ın xarici mediaya istinadən məlumatına görə, peşə məktəbinin yuxarı sinif şagirdi olan Li Hao Çinin Henan “Qinyi Culture” media şirkəti ilə altı aylıq təcrübə keçmək üçün müqavilə imzalayıb.
Müqaviləyə əsasən, Li 26 gün ərzində 240 saat canlı yayım etməli və 15 qısa klip yükləməli idi. Bunun müqabilində onun hesabına 3000 yuan maaş yatırılacaqdı.
Li ölümündən beş gün əvvəl axşam saat 9-dan səhər 6-ya kimi canlı yayımda olub.
Li otaq yoldaşları tərəfindən yuxuda reaksiya vermədiyi və sürətlə nəfəs aldığı halda tapılıb. Təcili yardımla xəstəxanaya aparılsa da dünyasını dəyişib.
Atası oğlunun daha çox pul qazanmaq üçün gecə növbəsində işləməyə təzyiq edildiyini deyib. Şirkət isə iddianı rədd edib.
Şirkət Linin rəsmi işçi və ya təcrübəçi olmadığını, onların sadəcə sadə bir ortaqlıq olduğunu vurğulayaraq məsuliyyəti üzərinə götürməkdən imtina edib və ailəyə “humanitar yardım” üçün 5000 yuan təklif edib.
Əfsanə
Manşet.az
