İranın İslam İnqilabı Keşikçiləri Korpusu (“Sepah”, İran Silahlı Qüvvələrinin elit bölmələri) İsrail Hərbi Hava Qüvvələrinin Suriyanın paytaxtı Dəməşqə raket hücumu zamanı Suriyada olan iki müşavirinin öldürüldüyü bildirib.
Manset.az İRNA-ya istinadən xəbər verir ki, bu barədə İİKK-nın İctimaiyyətlə Əlaqələr İdarəsi məlumat yayıb.
“İslam İnqilabı Keşikçiləri Korpusunun iki hərbi müşaviri Suriyada İsrailin son bombardmanı nəticəsində öldürülüb”, – mətndə diqqətə çatdırılıb.
Xatırladaq ki, səhər saatlarında İsrailin Hərbi Hava Qüvvələri Dəməşqin ətrafına raket zərbəsi endirib.
