Tovuz Peşə Təhsili Mərkəzində tələbələrin zəhərlənmə şübhəsi ilə bağlı Peşə Təhsili üzrə Dövlət Agentliyinə məlumat daxil olub.
Agentlikdən Manset.az-a verilən məlumata görə, hazırda bu barədə araşdırma aparılır.
Nəticə barədə ictimaiyyətə əlavə məlumat veriləcək.
***
17:28
Tovuzda zəhərlənmə hadisəsi baş verib.
Manset.az bu barədə APA-ya istinadən xəbər verir.
Rayonda yerləşən Tovuz Peşə Təhsili Mərkəzində qeydə alınıb. Təhsil mərkəzinin 8 tələbəsi zəhərlənmə diaqnozu ilə xəstəxanaya yerləşdirilib. Məlumata görə, onlar tortdan zəhərlənib.
Qeyd edək ki, oktyabr ayında da Tovuzun Qovlar şəhərində yaşayan 18 nəfər dönərdən zəhərlənib.
