Azərbaycanda yol qəzası oldu: Yaralılar var

Biləsuvar rayonunda dörd nəfərin xəsarət alması ilə nəticələnən yol qəzası baş verib.

 

Manset.az xəbər verir ki, hadisə rayonun Xırmandalı kəndində qeydə alınıb.

Belə ki, avtoqəza nəticəsində dörd nəfər Xırmandalı kənd sakini - 1963-cü il təvəllüdlü Ə.Abdullayev, 1974-cü il təvəllüdlü N.Quliyeva, 1999-cu il təvəllüdlü S.Abdullayev və 1999-cu il təvəllüdlü D.Əlizadə xəsarət alıb.

Onlar rayon xəstəxanasına çatdırılıb.

Faktla bağlı araşdırma aparılır.