Çempionlar Liqasının qrup mərhələsini 20-ci yerdə tamamlayan "Qalatasaray"ın pley-offdakı rəqibi müəyyənləşib.
Manset.az-ın Türkiyə mediasına istinadən əldə etdiyi məlumata görə, püşk atılmasından sonra sarı-qırmızı komandanın "Yuventus"la qarşılaşacağı məlum olub. Pley-off oyunları 17-18 və 24-25 fevralda keçiriləcək. İlk oyun İstanbulda, ikinci oyun isə Torinoda oynanılacaq.
Qeyd edək ki, Avropa futbolunun klublar arasındakı ən böyük turniri olan UEFA Çempionlar Liqasının 16-cı mərhələsinin pley-off turunun püşkü İsveçrənin Nyona şəhərində atılıb.
