Məşhur portuqaliyalı baş məşqçi Joze Mourinyo “Tottenhem”dən qovulması ilə bağlı sərt açıqlama verib.
Manset.az Offsideplus.az xəbər verir ki, təcrübəli mütəxəssis London klubunun qərarını kəskin tənqid edib və bunu karyerasındakı ən absurd ayrılıqlardan biri adlandırıb.
Mourinyo bildirib ki, titul qazanmamış klubun onu finala iki gün qalmış vəzifədən uzaqlaşdırması məntiqsiz idi:
“Ən gülünc qovulma halı kubokları olmayan bir klubun məni finala iki gün qalmış qovması idi.”
Qeyd edək ki, Mourinyo 2021-ci ildə Liqa Kuboku finalı ərəfəsində “Tottenhem”dən ayrılmış və komanda həlledici oyuna başqa məşqçi ilə çıxmışdı.
