Transfer bazarındakı passivliyinə görə sərt tənqidlərlə üzləşən "Qalatasaray" rəhbərliyi indi Viktor Osimhen məsələsi ilə qarşı-qarşıyadır.
Manset.az türk mediasına istinadən xəbər verir ki, "Barselona" "Tottenhem"in də maraq dairəsində olan Viktor Osimheni heyətinə qatmaq üçün hərəkətə keçib. Xəbərdə bildirilir ki, Osimhen son həftələrdə komandadan ayrılmağa müsbət yanaşmağa başlayıb; həm futbolçu, həm də "Qalatasaray" yolların ayrılması ideyasına açıqdır.
"Barselona"nın Osimheni təxminən 75 milyon avro qarşılığında transfer edə biləcəyi iddia edilsə də, nigeriyalı ulduzun maaşının sövdələşmə qarşısındakı ən böyük maneə olduğu vurğulanır.
