Qətərdə keçirilən dünya çempionatının C qrupunda ilk tura yekun vurulub.
Manset.az xəbər verir ki, qrupun 2-ci oyununda Meksika və Polşa yığmaları üz-üzə gəliblər. Qarşılaşmada hesab açılmayıb.
Qeyd edək ki, C qrupunun ilk matçında Səudiyyə Ərəbistanı gözlənilmədən Argentina millisinə qalib gəlib - 2:1. Hazırda turnir cədvəlinə 3 xalla ərəblər başçılıq edir. Meksika və Polşa hərəyə 1 xalla 2-3-cü yerləri bölüşdürür. Xalı olmayan Argentina seçməsi isə sonuncudur.
***
Qətərdəki dünya çempionatında Meksika və Polşa yığmaları arasında keçirilən C qrupunun ilk tur oyununda ikinci hissə başlayıb.
Manset.az xəbər verir ki, hələlik qarşılaşmada hesab açılmayıb - 0:0
***
Qətərdəki dünya çempionatında Meksika və Polşa yığmaları arasında keçirilən C qrupunun ilk tur oyununda birinci hissə başa çatıb.
Manset.az xəbər verir ki, komandalar fasiləyə qolsuz bərabərliklə yollanıblar - 0:0
***
Qətərdəki dünya çempionatında Meksika və Polşa milli komandaları arasında C qrupunun ilk tur oyunu başlayıb.
Manset.az xəbər verir ki, qarşılaşma Bakı vaxtı ilə saat 20:00-da start götürüb. Görüşü avstraliyalı FIFA referisi Kris Bit idarə edir.
***
Qətərdə keçirilən dünya çempionatının C qrupunun ilk turunda üz-üzə gələcək Meksika və Polşa yığmalarının start heyətləri bəlli olub.
Manset.az xəbər verir ki, komandalar meydana aşağıdakı “11-liklər”lə çıxacaqlar:
Meksika: Gilyermo Oçoa (K), Kevin Alvares, Luis Çaves, Xesus Qalyardo, Ektor Errera, İrvinq Losano, Henri Martin, Sesar Montes, Ektor Moreno, Xorxe Sançes, Aleksis Veqa
Polşa: Voytsex Şesnı, Bartoş Bereşinski, Metti Keş, Kamil Qlik, Yakub Kaminski, Yakub Kivyor, Qjeqoj Krıxovyak, Robert Levandovski (K), Sebastian Şimanski, Nikola Zalevski, Pyotr Zelinski
***
Bu gün dünya çempionatında C qrupunda 1-ci turun oyunlarına yekun vurulacaq.
Manset.az xəbər verir ki, Meksika Polşa ilə qarşılaşacaq.
Matç Bakı vaxtilə saat 20:00-da başlayacaq.
DÇ-2022
C qrupu
Meksika - Polşa
