23 yaşlılardan ibarət milli həndbol komandamızın inkişaf etməkdə olan ölkələrin çempionatında rəqibləri müəyyənləşib.
Manset.az xəəbr verir ki, Beynəlxalq Həndbol Federasiyasının (IHF) Bazeldəki mənzil qərargahında keçirilən püşkatma mərasimində yığmamız D qrupunda Bolqarıstan və Nigeriyaya rəqib olub.
Püşkatmanın nəticələrinə görə iştirakçı 12 komanda hərəsində üç yığma olmaqla aşağıdakı qruplarda yarışacaqlar:
“A” - Malta, Andorra, Hindistan
“B” - Kipr, Moldova, Avstraliya
“C” - Böyük Britaniya, Kuba, Qvatemala
“D” - Azərbaycan, Bolqarıstan, Nigeriya
Qrup qalibləri yarımfinalda mübarizəni davam etdirəcəklər.
Qeyd edək ki, yarış aprelin 25-30-da Bolqarıstanın Varna şəhərində keçiriləcək.
