PSJ-nin futbolçusu Kilian Mbappe klubdakı gələcəyi ilə bağlı qərarını verib.
Manset.az xəbər veirr ki, bu barədə "The Times" məlumat yayıb. 24 yaşlı hücumçu Paris təmsilçisinin prezidenti Nasser Əl-Xəlaifi ilə görüşüb. Mbappe ilə müqavilənin uzadılması ilə bağlı şifahi razılıq əldə olunub.
Klub və oyunçu ya hazırkı sözləşməni bir illk uzadacaq, ya da "zəmanətli satış bəndi" daxil olmaqla, çoxillik müqavilə bağlayacaq.
Forvard Əl-Xəlaifiyə yeni baş məşqçi Luis Enrikenin rəhbərliyi altında işləməyə 100 faiz hazır olduğunu və PSJ ilə Çempionlar Liqasını qazanmağı hədəflədiyini bildirib.
Qeyd edək ki, Mbappe 2017-ci ildən PSJ-də oynayır. Onun bu yay klubdan ayrılacağı iddia olunurdu.
