AFFA-nın İntizam Komitəsi 1-ci liqada mübarizə aparan “Mingəçevir”in futbolçusu Elsevər Bəkirzadəni və “İmişli”nin oyunçusu Tonia Tisdeli cəzalandırıb.
Manset.az xəbər verir ki, bu barədə PFL-in saytı məlumat yayıb.
E.Bəkirzadə 1-ci liqanın 11-cu turunun “Araz Saatlı” ilə oyununun 74-cü dəqiqəsində ikinci sarıdan qırmızı vərəqə aldığı üçün 1 oyunluq cəzalanıb, “Mingəçevir” klubu 50 manat cərimə edilib.
T.Tisdel isə 11-ci turun “Şamaxı” ilə oyununun 18-ci dəqiqəsində təcavüzkar davranışa görə birbaşa qırmızı vərəqə aldığı üçün 4 oyun cəzalanıb, “İmişli” klubu 300 manat cərimə edilib.
