Braziliyanın "Qremio" klubundan ayrılan Luis Suares "İnter Mayami"yə keçidi rəsmiləşib.
Manset.az xəbər verir ki, bu barədə MLS təmsilçisinin saytı məlumat yayıb. Uruqvaylı hücumçu ilə 2024-cü ilin sonuna qədər müqavilə imzalanıb. O, yeni klubunda 9 nömrəli forma geyinəcək.
Qeyd edək ki, 36 yaşlı futbolçunun sabiq klubu "Barselona"dakı keçmiş komanda yoldaşlarından bir neçəsi Amerika klubunda oynayır. Bunlar Lionel Messi, Jordi Alba və Serxio Busketsdir.
Xatırladaq ki, Suares son klubu "Qremio" ilə Braziliya A Seriyasında 33 oyuna çıxıb, 17 qol vurub və 11 qolun ötürməsini verib.
