Azərbaycanda “TikTok” sosial şəbəkəsinin fəaliyyətinə müvəqqəti məhdudiyyət tətbiq edilib.
Manset.az xəbər verir ki, bu barədə “APA-Economics”in sorğusuna cavab olaraq, Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidməti (ETX) məlumat verib.
"19 sentyabr tarixindən Azərbaycan ərazisində “TikTok” sosial şəbəkəsinin fəaliyyətinə müvəqqəti məhdudiyyət tətbiq edilib. Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidməti vətəndaşları sosial şəbəkələrdə paylaşım edərkən Azərbaycan Respublikası qanunvericiliyinin tələblərinə və sosial şəbəkə inzibatçılarının müəyyən etdiyi qayda və şərtlərə riayət etməyə çağırır" - deyə məlumatda bildirilib.
Qeyd edək ki, bu gün Azərbaycanın konstitusiya quruluşunun bərpa edilməsi məqsədilə Qarabağda lokal xarakterli antiterror tədbirlərinə başlanılıb.
***
Azərbaycanda “TikTok” sosial şəbəkəsinin fəaliyyəti məhdudlaşdırılıb.
Manset.az xəbər verir ki, bu barədə sosial şəbəkədə məlumat yayılıb. Belə ki, hazırda “TikTok”da səhifələri yeniləmək, canlı yayım açmaq və paylaşım etmək mümkün deyil.
“TikTok” sosial şəbəkəsinin fəaliyyətinin məhdudlaşdırılması ilə bağlı hələlik rəsmi qurumlardan hər hansı açıqlama verilməyib.
