Rusiya Xarici İşlər Nazirliyi Yaponiyanın "Terra Drone" şirkətinin Ukraynanın müdafiə məqsədli pilotsuz uçuş aparatları (PUA) proqramına etdiyi sərmayə səbəbindən Moskvanın rəsmi protestnota təqdim etdiyini və Yaponiyanın Moskva səfirinin Xarici İşlər Nazirliyinə çağrıldığını açıqlayıb.
Manset.az xarici mediaya istinadən xəbər verir ki, nazirlikdən verilən açıqlamaya görə, sözügedən sərmayənin Rusiya tərəfindən diqqətlə izlənildiyi və bu cür addımların ikitərəfli münasibətlər baxımından mənfi nəticələrə səbəb ola biləcəyi barədə xəbərdarlıq edildiyi bildirilib. Rusiya tərəfi Yaponiya şirkətlərinin Ukraynada hərbi məqsədli layihələrə daxil olmasına qarşı çıxaraq bunun bölgədəki gərginliyi artıra biləcəyini vurğulayıb.
Diplomatik mənbələr səfirinin nazirliyə çağrılmasının Moskvanın bu məsələyə ciddi yanaşdığını göstərdiyini qeyd edib, həmçinin bu hadisənin Rusiya ilə Yaponiya arasındakı münasibətlərdə yeni bir gərginlik başlığına çevrilə biləcəyini söyləyiblər.
Digər tərəfdən Yaponiya tərəfi məsələyə dair rəsmi açıqlama verməyib.
