Türkiyənin xarici işlər naziri Hakan Fidan bolqarıstanlı həmkarı Velislava Petrova-Chamova ilə keçirdiyi görüşdən sonra iki ölkə arasında nəqliyyat və sərhəd infrastrukturunun inkişafı ilə bağlı mühüm məsələlərin müzakirə olunduğunu bildirib.
Manset.az xarici mediaya istinadən xəbər verir ki, Bolqarıstanın paytaxtı Sofia şəhərində keçirilən görüşdən sonra təşkil olunan birgə mətbuat konfransında çıxış edən H.Fidan deyib:
“Avropanın ən intensiv istifadə olunan sərhəd-keçid məntəqəsi olan Kapıkulenin şimalında yeni bir sərhəd-keçid məntəqəsinin inşası ilə bağlı ortaq iradəmizi bir daha təsdiqlədik. Sərhəd-keçid məntəqələrimizin buraxılış qabiliyyətinin artırılması, həmçinin regional əlaqəliliyi gücləndirəcək avtomobil və dəmir yolu layihələri ətrafında fikir mübadiləsi apardıq”.
