Futbol üzrə Azərbaycan millisi bu gün növbəti oyununa çıxacaq.
Manset.az xəbər verir ki, müvəqqəti olaraq Arif Əsədovun rəhbərlik etdiyi yığmamız Albaniya milli komandası ilə üz-üzə gələcək.
Sözügedən komandaların yoldaşlıq oyunu Macarıstanın Sombatxey şəhərində təşkil olunacaq. Qarşılaşmaya Bakı vaxtı ilə saat 21:00-da start veriləcək.
Qeyd edək ki, millimiz eyni məkanda iyunun 11-də Qazaxıstan yığmasıyla da yoxlama oyunu keçirəcək.
Yoldaşlıq oyunu
7 iyun
21:00. Albaniya – Azərbaycan
Sombatxey, “Haladas SportKomplexum”.
