Premyer Liqa nəhəngi "Vest Hem Yunayted" "Fənərbağça"nın mərakeşli hücumçusu Yussef En-Nesirini transfer etmək istəyir.
Manset.az "Fichajes" nəşrinə istinadən xəbər verir ki, hücumçu axtaran London klubu En-Nesirini radarına alıb.
İngiltərə təmsilçisinin, 28 yaşlı En-Nesiriyə görə "Fənərbağça"ya 40 milyon avro təklif edəcəyi bildirilir. Sarı Kanaryalar bu təklifi rədd etməyəcəklərini gizlətmirlər, amma artıq hücumçunun potensial gedişinə hazırlaşırlar.
Yussef En-Nesiri "Fənərbağça" forması ilə 53 matça çıxıb, 30 qol vurub və 7 məhsuldar ötürmə ilə komandasına böyük töhfə verib.
