"Beşiktaş" Doğan Alemdarı heyətinə qatıb.
Manset.az türk mediasına istinadən xəbər verir ki, Slovakiyadakı təlim-məşq toplanışında mövsümöncəsi hazırlıqlarını davam etdirən "Beşiktaş" eyni zamanda transfer işlərini də sürətləndirir.
"Qara-ağlar" "Başakşehir FK"-dan 23 yaşlı qapıçı Doğan Alemdarı heyətinə qatmağa hazırlaşır. Hazırda "narıncı-göy" komandanın xarici ölkədəki təlim-məşq toplanışında iştirak edən Alemdarın bu axşam İstanbula gəlməsi gözlənilir.
Klubun məsələ ilə bağlı açıqlamasında deyilir: "Həm özü, həm də klubu ilə prinsipial razılıq əldə etdiyimiz peşəkar futbolçu Doğan Alemdar tibbi müayinədən keçmək və transfer prosesini yekunlaşdırmaq məqsədilə bu axşam İstanbula gələcək.
Doğan Alemdarı gətirən təyyarənin bu gün saat 18:40-da İstanbul Hava Limanının Beynəlxalq Terminalına enməsi nəzərdə tutulub."
