Əli Əliyevin müavini partiyadan istefa verdi

Vətəndaş və İnkişaf Partiyasının (VİP) sədr müavini Əliyar Şirməmmədov partiyanın Siyasi Şurasından və partiya üzvlüyündən istefa verib.
Manşet.az xəbər verir ki, Ə.Şirməmmədov istefa səbəbini partiya rəhbəri Əli Əliyevlə siyasi baxışlarının düzgün gəlməməsi ilə əlaqələndirib: “Sanki partiyanı diktatorcasına idarə etmək  istəyir. Mən Əli bəydən yaşca da böyüyəm. Düz, 30 il 4 aydır ki, bir yerdəydik. Deyərdim ki, ayrılmağımın başlıca səbəbi siyasi baxışlarımızın üst-üstə düşməməsi ilə bağlıdır. Hesab edirəm ki, özümə hörmət edərək, mədəni halda istefa verdim. Bunu davam etdirməyi öz tərbiyəmə, siyasi fəaliyyətimə yaraşdırmadım".