Mərhum Xalq artisti Rafael Dadaşovla bağlı yeni fakt ortaya çıxıb.
Manset.az xəbər verir ki, "Xəbər ətər" verilişinə dəvət olunan aktyorun müğənni qızı Səidə Dadaşova atası ilə bağlı xatirələrindən danışıb. Dadaşova atasının sonuncu dəfə oynadığı "Müfəttiş" tamaşasında artıq xəstəliyinin başladığını və 40 dərəcə hərarəti olduğunu açıqlayıb:
"Atamın son tamaşasında 40 dərəcə hərarəti var idi. Xəstəliyindən isə heç kimin xəbəri yox idi. Ona təklif ediblər ki, bəlkə roldan çıxsın. Atam isə bunu qəbul etməyib, sona qadər rolunu oynayacağını deyib. Qrim otağına getdim, onun qan-tər içində olduğunu gördüm. Alnının tərini sildim. Dedim aparım sən evi. Getmək istəmədiyini bildirdi".
