Jirunun yeni klubu açıqlandı

“Milan”ın hücumçusu Olivye Jirunun ABŞ-nin “Los-Anceles” klubuna keçidi rəsmiləşib.

 

Manset.az  xəbər verir ki, bu barədə MLS təmsilçisinin mətbuat xidməti məlumat yayıb.

Mövsümün sonunda “Milan”dan ayrılacaq forvard yeni komandasına azad agent kimi keçəcək. Jiru ilə 1+1 illik müqavilə imzalanıb.

Qeyd edək ki, Fransa millisinin üzvü olan 37 yaşlı futbolçu bu mövsüm “Milan”da 45 matçda 16 qol vurub, 9 məhsuldar ötürmə edib.