Leysan olacaq, dolu düşəcək - XƏBƏRDARLIQ

16:47 - 24 May 2024

Leysan olacaq, dolu düşəcək - XƏBƏRDARLIQ

Hava şəraitilə bağlı növbəti xəbərdarlıq edilib.

 

Milli Hidrometeorologiya Xidmətindən Manset.az-a verilən məlumata görə, mayın 25-i günün birinci yarısında, 26-sı axşam Bakıda və Abşeron yarımadasında arabir yağış yağacağı gözlənilir.

Yarımadanın bəzi yerlərində intensivləşəcəyi ehtimalı var.

Mayın 24-ü gündüzdən 27-dək Azərbaycanın rayonlarında hava şəraitinin arabir yağıntılı olacağı gözlənilir. Ayrı-ayrı yerlərdə (Naxçıvan MR, Qarabağ və Şərqi Zəngəzur, Qazax-Gəncə, Balakən-Şəki, Quba-Qusar, Dağlıq Şirvan, Mərkəzi Aran, Lənkəran-Astara) yağıntıların leysan xarakterli intensiv olacağı, şimşək çaxacağı, dolu düşəcəyi, dağlıq ərazilərdə qar yağacağı ehtimalı var.

Mayın 25-dən 26-sı gündüzədək şərq küləyinin 15-20 m/s, ayrı-ayrı yerlərdə arabir 25-30 m/s-dək güclənəcəyi gözlənilir.

Çaylarda, o cümlədən Kür, Araz, Qanıx və Qabırrı çaylarında sululuğun artacağı, Böyük və Kiçik Qafqazın, Lənkəran-Astara bölgəsinin ərazisindən axan bəzi çaylardan qısamüddətli daşqın və sel keçəcəyi gözlənilir.


Xəbər xətti

24 İyun 2024

Ən son xəbərləri səhifəmizdən də izləyin