Aİ 17-ci paketi qəbul etdikdən sonra Rusiyaya qarşı 18-ci sanksiyalar paketini hazırlamağa dərhal başlayacaq.
Manset.az xəbər verir ki, bunu Avropa Komissiyasının vitse-prezidenti Kaja Kallas Aİ xarici işlər və müdafiə nazirlərinin iclasına gələrkən deyib.
“Biz bu gün 17-ci sanksiya paketini razılaşdıracağıq və Rusiyaya daha çox təzyiq göstərmək üçün növbəti möhkəm sanksiyalar paketi üzərində işləməyə davam edəcəyik".
18-ci paketə nələrin daxil ola biləcəyini soruşduqda, o, yalnız bildirib ki, bu, Rusiya neftinə qarşı sanksiyalar, qiymət limitinin azaldılması və kölgə donanmasına qarşı yeni məhdudiyyətlər olacaq.
