NASA, Yerdən 97 işıq ili uzaqlıqda yerləşən "GJ 9827d" adlı ekzoplanetdə su molekullarının aşkar edildiyini açıqlayıb.
Manset.az-ın xarici mediaya istinadən məlumatına görə, Hubble Kosmik Teleskopundan istifadə edən astronomlar kiçik və isti ekzoplanetin Yerin diametrindən təxminən iki dəfə böyük olduğunu bildiriblər.
Tədqiqat qrupu hazırda Hubble Teleskopunun hidrogenlə zəngin atmosferdə su buxarının izlərini çəkib-çəkmədiyini və ya planetin su ilə zəngin atmosferə malik olub-olmadığını deyə bilmir, çünki onun aparıcı ulduzu GJ 9827d-nin orijinal hidrogen və helium atmosferini buxarlandırıb.
Araşdırmanın müəlliflərindən biri olan Laura Kreydberq açıqlamasında belə deyib:
“Belə kiçik bir planetdə suyun tapılması əlamətdar bir kəşfdir”.
Monreal Universitetinin Trottier Ekzoplanet Tədqiqatları İnstitutunun professoru Björn Benneke, "Bu, atmosfer aşkarlanması vasitəsilə su ilə zəngin atmosferə malik bu planetlərin digər ulduzların ətrafında mövcud ola biləcəyini birbaşa nümayiş etdirə biləcəyimiz ilk dəfə olacaq" deyib.
Əfsanə
Manşet.az
