Macarıstanın Baş naziri Viktor Orban Türk Dövlətləri Təşkilatının (TDT) Dövlət Başçıları Şurasının 12-ci Zirvə Görüşündə iştirak etmək məqsədilə oktyabrın 6-da Azərbaycana səfərə gəlib.
AZƏRTAC xəbər verir ki, Qəbələ Beynəlxalq Hava Limanında ali qonağın şərəfinə fəxri qarovul dəstəsi düzülmüşdü.
Macarıstanın Baş naziri Viktor Orbanı hava limanında Azərbaycanın mədəniyyət naziri Adil Kərimli və digər rəsmi şəxslər qarşılayıblar.
***
11:04
Macarıstanın Baş naziri Viktor Orban Azərbaycana səfər edəcək.
Manset.az xəbər verir ki, bu barədə məlumatı V.Orbanın Ofisi yayıb.
Bildirilib ki, o, oktyabrın 6-7-də baş tutacaq səfəri zamanı Türk Dövlətləri Təşkilatının XII Zirvə görüşündə iştirak edəcək.
Bununla yanaşı, Baş nazir ikitərəfli görüşlər də keçirəcək.
