Baş ağrıları gündəlik həyatda tez-tez rast gəlinən bir şikayət olsa da, bəzi hallarda ciddi sağlamlıq problemlərinin xəbərçisi ola bilər.
Manset.az-ın xarici mediaya istinadən məlumatına görə, şiddətli, ani və fərqli xarakterli baş ağrılarına biganə yanaşmaq olmaz.
Ən çox rast gəlinən səbəblər:
-
Migren: Birtərəfli, çırpınan ağrı, ürəkbulanma və işıq-səs həssaslığı ilə müşayiət olunur.
-
Gərginlik tipli baş ağrısı: Stress və əzələ gərginliyindən yaranır, adətən ikitərəfli və sıxıcı olur.
-
Sinüzit: Burun və göz ətrafında ağrı, burun tutulması ilə müşahidə olunur.
-
Beyin qanaması: Ani və çox şiddətli ağrı, tez müdaxilə tələb edir.
-
Beyin şişi və infeksiyaları: Tədricən artan ağrılar və nevroloji simptomlar.
-
Hipertansif böhran: Yüksək təzyiq nəticəsində yaranan kəskin ağrılar.
-
Temporal arterit: Xüsusilə yaşlılarda görmə pozğunluğu ilə müşayiət olunan ağrılar.
Təhlükəli əlamətlər:
-
İlk dəfə yaşanan və çox şiddətli baş ağrısı
-
Görmə, nitq, hərəkət və şüur pozğunluğu
-
Yüksək hərarət və boyun sərtliyi
-
Davamlı və ya tez-tez təkrarlanan ağrılar
Nə etməli?
Bu əlamətlər müşahidə olunarsa, dərhal həkimə müraciət etmək tövsiyə olunur. Baş ağrısının səbəbini düzgün müəyyənləşdirmək və vaxtında müalicəyə başlamaq həyati əhəmiyyət daşıya bilər.
