Lavanda qoxusu xoşbəxtliyi artırır.
Manset.az-ın xarici mediaya istinadən məlumatına görə, lavanda qoxusu insanların psixoloji vəziyyətinə müsbət təsir göstərir.
ABŞ-da aparılan elmi araşdırmalar bu ətirin stressi azaltdığını, əhval-ruhiyyəni yaxşılaşdırdığını və xoşbəxtlik hissini artırdığını ortaya qoyub.
Milli Tibb Kitabxanasının məlumatlarına əsasən, lavanda ilə nəfəs alan iştirakçılar daha sakit, az stressli və rahatlamış hiss ediblər. Həmçinin bu qoxu yuxu keyfiyyətini yaxşılaşdırmaqda da təsirli olub.
Mütəxəssislər qeyd edirlər ki, lavanda yağı sinir sistemini sakitləşdirərək beyində "rahatlama rejimi"ni aktivləşdirir. Bu səbəbdən xroniki stress, narahatlıq və yuxusuzluqdan əziyyət çəkənlər üçün təbii dəstək vasitəsi ola bilər.
