Rusiyalı həkim-diyetoloq, tibb elmləri doktoru Mixail Ginzburq bildirib ki, uzun müddət veqan qidalanma insan ömrünü orta hesabla iki-üç il azalda bilər.
Manset.az Milli.az-a istinadən xəbər verir ki, bunu rusiyalı həkim-diyetoloq, tibb elmləri doktoru Mixail Ginzburq deyib.
Ginzburqun sözlərinə görə aparılan araşdırmalar göstərib ki, vegən qidalanma bir sıra xəstəliklərin inkişafını sürətləndirir və orqanizmin ümumi vəziyyətinə mənfi təsir göstərir.
"Əgər bütün bu faktorları ümumiləşdirsək, nəticədə belə qidalanma ömrü orta hesabla iki-üç il qısaldır", - deyə diyetoloq qeyd edib.
Mütəxəssis bildirib ki, əsas risklər B12 vitamini çatışmazlığı ilə bağlıdır. Bu vitamin hüceyrələrin bərpası üçün həyati əhəmiyyət daşıyır və əsasən ət və süd kimi heyvan mənşəli məhsullarda olur. Ginzburq əlavə edib ki, insan orqanizmində B12 vitamini ehtiyatı təxminən üç-beş il ərzində tükənir, buna görə də ilk illərdə vegənlər özlərini normal hiss edə bilirlər.
Həkim alternativ olaraq ovolaktovegetarian və ya pesketarian qidalanmanı məsləhət görüb. Bu növ pəhrizdə ət qəbul edilməsə də, balıq, yumurta və süd məhsulları menyuda qalır. Onun sözlərinə görə, belə qidalanma insan ömrünü orta hesabla üç il artıra bilər.
