Korporativ sosial məsuliyyət çərçivəsində lüks məhsullar təqdim edən AVENUE Interiors komandası “Ümid Yeri” Uşaq Evində olub.
Manset.az xəbər verir ki, ziyarət zamanı uşaqların zəruri ehtiyaclarını təmin edəcək hədiyyələr təqdim edilib.
AVENUE komandası uşaqlarla vaxt keçirərək onların bayram sevincinə şərik olub.
Şirkət tərəfindən o da bildirilib ki, AVENUE üçün sosial məsuliyyət yalnız biznes fəaliyyəti ilə məhdudlaşmır. Cəmiyyətin həssas təbəqələrinə dəstək göstərmək, xüsusilə uşaqların rifahına töhfə vermək şirkətin əsas prioritetlərindəndir. Bu istiqamətdə gələcəkdə də müxtəlif sosial layihələrin həyata keçirilməsi nəzərdə tutulur.
