2024-cü il üzrə aparılan psixoloji trend analizinə görə, bir çox Z nəsli yetkini xroniki stress və zehni həddindən artıq yüklənməyə cavab olaraq saatlarla yataqda qalaraq telefonla vaxt keçirir və yuxuya gedə bilmir.
Manset.az Ölkə.az-a istinadən xəbər verir ki, psixologiyada “yataqda çürümə” (bed rotting) adlandırılan bu davranışın əslində istirahət deyil, daha çox tükənmişliyin göstəricisi olduğu vurğulanır.
Araşdırmalara əsasən, beyin həddindən artıq yükləndikdə özünü qorumaq üçün “qapanma” rejiminə keçir və əlavə səy tələb edən fəaliyyətlərdən yayınmağa çalışır.
Qısa müddətdə rahatladıcı təsir bağışlayan bu vəziyyət uzunmüddətli perspektivdə isə diqqət toplama qabiliyyətinin zəifləməsinə, əhval-ruhiyyənin pozulmasına və motivasiyanın azalmasına səbəb ola bilər.
