Görkəmli şair, Əməkdar incəsənət xadimi Çingiz Əlioğlu vəfat edib.
Manset.az xəbər verir ki, bu barədə Mətbuat Şurasının (MŞ) sədri Rəşad Məcid sosial şəbəkə hesabında bildirib.
"İndicə eşitdiyim acı xəbərdən kədərləndim. Görkəmli şair, əməkdar incəsənət xadimi Çingiz Əlioğlu vəfat edib. Ədəbiyyatımız və mədəniyyətimiz üçün ağır itkidir. Allah rəhmət eləsin! Oğlanlarına, yaxınlarına, bütün poeziyasevərlərə dərin hüznlə başsağlığımı bildirirəm. Ədəbiyyatımız və mədəniyyətimiz üçün ağır itkidir. Allah rəhmət eləsin!", - o qeyd edib.
Qeyd edək ki, Çingiz Əlioğlu müasir Azərbaycan poeziyasının görkəmli nümayəndələrindən biridir. İctimai xadim, eyni zamanda Bakı Media Mərkəzinin icraçı direktoru, tanınmış kinoprodüser və rejissor Orman Əliyevin atasıdır.
