“Bu gün Bakıda və Abşeron yarımadasında arabir güclənən şimal-qərb küləyi əsəcək, bəzi yerlərdə yağış yağacağı ehtimal olunur”.
Bu barədə Manset.az-a açıqlamasında Ekologiya və Təbii Sərvətlər Nazirliyinin Hidrometeoroloji Proqnozlar Bürosunun direktoru Gülşad Məmmədova bildirib.
O qeyd edib ki, sabah, sentyabrın 7-də bəzi yerlərində yağış yağacağı, gündüz tədricən kəsiləcəyi ehtimal olunur. Mülayim şimal-qərb küləyi arabir güclənəcək:
“Havanın maksimal temperaturu 21-24 dərəcə isti olacaq. Bölgələrdə də bu gün və sabah bəzi yerlərdə şimşək çaxacağı, arabir yağış yağacağı gözlənilir. Əsasən dağlıq-dağətəyi rayonlarda yağıntıların leysan xarakterli intensiv olacağı, dolu düşəcəyi ehtimal olunur. Sentyabrın 8-i gündüz saatlarından yağıntıların tədricən kəsiləcəyi gözlənilir”.
Nazirlik rəsmisi əlavə edib ki, gözlənilən yağıntılarla əlaqədar çaylarda sululuğun artacağı, bəzi dağ çaylarından qısa müddətli daşqın və sel keçəcəyi istisna olunmur.
