İndoneziya sahillərində 5,3 maqnitudalı zəlzələ oldu

İndoneziyanın Sumatra adası sahillərində 5,3 maqnitudada zəlzələ qeydə alınıb.

 

Manset.az Report-a istinadən xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Təbii hadisənin episentri təxminən 70 min nəfər əhalisi olan Paqar Alam şəhərindən 83 km cənub-qərbdə, zəlzələ ocağı 61 km dərinlikdə yerləşib.

Tələfat və dağıntılar barədə məlumat yoxdur, sunami təhlükəsi elan olunmayıb.