Kosmosda araşdırmalar aparan Ceyms Uebb teleskopunun məlum olan ən qədim və ən uzaq qalaktikanı kəşf etdiyi açıqlanıb.
Manset.az-ın xarici mediaya istinadən məlumatına görə, JADES-GS-z14-0 adlı ulduzlar qrupu, kainatın genişlənməsinə səbəb olduğu düşünülən Böyük Partlayışdan 290 milyon il sonra çəkilib.
Başqa sözlə, Böyük Partlayışla genişlənməyə başlayan kainatın 13,8 milyard yaşında olduğunu nəzərə alsaq, bu qalaktikanı indiki yaşının yalnız 2%-i olduqda müşahidə edirik.
Uebb teleskopu bu kəşfi 6,5 metr enində ilkin güzgü və həssas infraqırmızı alətləri ilə edib və bu, tarixə rekord kimi düşüb.
Teleskopun əvvəlki rekordu Böyük Partlayışdan 325 milyon il sonra qalaktikanın aşkarlanması ilə müəyyən edilmişdi.
Astronomlar deyirlər ki, son müşahidənin ən maraqlı tərəfi JADES-GS-z14-0-ın böyük məsafədən çox ölçüsü və parlaqlığıdır.
Uebb ölçmələrinə görə, qalaktikanın eni 1600 işıq ilindən çoxdur. Ən parlaq qalaktikalar adətən öz işığının çox hissəsini superkütləli qara dəliyə düşən qaz vasitəsilə yaradır.
JADES-GS-z14-0 ölçmələri işığın gənc ulduzlar tərəfindən istehsal olunduğunu göstərir.
Əfsanə Rəcəb
Manşet.az
