Rumıniyanın Braşov şəhəri yaxınlığındakı Bucegi dağlarında gəzintiyə çıxan 19 yaşlı gənc qadın ayının hücumuna məruz qalaraq dünyasını dəyişib.
Manset.az xarici mediaya istinadən xəbər verir ki, ayı gənc qadını 122 metrlik uçurumdan aşağı atıb. Hadisə yerinə gələn xilasedicilər gənc qadının cəsədinin ətrafında dolaşan ayını öldürüblər. Bu faciəli hadisədən sonra Rumıniyanın baş naziri ayı hücumlarının qarşısını almaq üçün parlamentin növbədənkənar iclasını çağırıb.
Hücumun şahidi olan və heç bir zərər görməyən gənc qızın sevgilisi "Ayı birdən peyda oldu. Ayını qorxutmağa çalışdım, yazıq oldu. Kaş mən olaydım" deyib.
Təbiətşünaslar ayının hücumunun səbəblərini araşdırmaqda davam edirlər. Bəzi ekspertlər gənc qızın ayının hücumundan xilas olmaq istəyərkən uçuruma düşdüyünü ehtimal edir.
