ABŞ-nin yeni Prezidenti Donald Tramp Ukrayna və digər ölkələrə yardımın 90 gün müddətinə dayandırılmasını nəzərdə tutan fərman imzalayıb.
Manset.az xəbər verir ki, bu barədə “Los Angeles Times” yazır.
"Tramp ABŞ-nin bütün xarici yardım proqramlarının onun siyasət məqsədlərinə uyğun olub-olmadığını müəyyən etmək üçün 90 gün müddətinə müvəqqəti dayandırılması barədə fərman imzalayıb", - məlumatda deyilir.
Fərmanın təsirinə məruz qalacaq yardımın dəqiq məbləği məlum deyil. Fərmanda deyilir ki, “xarici yardım sənayesi və bürokratiya Amerikanın maraqlarına uyğun deyil” və xalqlar arasında harmonik münasibətlərə zidd olan ideyaları təbliğ etməklə dünyada sabitliyi pozmağa kömək edir.
