Amerikalı milyarder İlon Maska məxsus "X" sosial şəbəkəsi Avropa Komissiyası tərəfindən yüz milyonlarla dollar cərimələnə bilər.
Manset.az xəbər verir ki, bu barədə Almaniyanın Handelsblatt nəşri yazır.
Nəşrin məlumatına görə, 2023-cü ilin dekabrından sosial şəbəkə ilə bağlı bir sıra araşdırmalar davam edir. X həmçinin Rəqəmsal Xidmətlər haqqında Qanununu pozmaqda şübhəli bilinir. Məhkəmə sosial şəbəkənin əleyhinə qərar çıxarsa, o, şirkətin illik dövriyyəsinin 6%-i qədər cərimə ödəməli olacaq.
Yanvarın ortalarında Bloomberg xəbər vermişdi ki, ABŞ Qiymətli Kağızlar və Birja Komissiyası multimilyarder İlon Maskı qanunları pozmaqda ittiham edib və Vaşinqtonda federal məhkəmədə ona qarşı iddia qaldırıb.
