Rusiya prezidentinin mətbuat katibi Dmitri Peskov dövlət başçısı Vladimir Putinin bu gün, martın 13-də keçiriləcək mətbuat konfransında Ukrayna ilə bağlı danışacağını istisna etməyib.
Manset.az xəbər verir ki, bu gün Putin və Belarus prezidenti Aleksandr Lukaşenko arasında danışıqlar aparılacaq.
“Hər şey jurnalistlərin suallarından asılı olacaq”, - Kremlin sözçüsü jurnalistlərin Rusiya prezidentinin ABŞ-nin son təşəbbüslərini nəzərə alaraq tədbir zamanı Ukrayna məsələsini qaldırıb-qaldırmayacağı ilə bağlı sualına cavab verib.
Rusiya və Belarus prezidentləri bu gün münasibətlərin inkişafı və strateji tərəfdaşlıq məsələlərini müzakirə edəcəklər. Əməkdaşlıq perspektivləri də danışıqların mövzusu olacaq.
