"Donald Trampın prezidentlik müddəti başa çatana qədər Ukraynadakı müharibəyə son qoyulmalıdır".
Manset.az Oxu.az-a istinadən xəbər verir ki, bu barədə Ukrayna Prezidenti Volodimir Zelenski axşam videomüraciətində deyib.
"Heç bir ultimatumun olmaması üçün real atəşkəs, müharibəni real başa çatdırmaq lazımdır. Ukrayna ən yüksək səviyyədə görüşə hazırdır. Mən Trampın köməyinə, ABŞ-nin nüfuzuna çox ümid edirəm", - deyə o bildirib.
Xatırladaq ki, ABŞ Prezidenti Donald Trampın səlahiyyət müddəti 2029-cu il yanvarın 20-də başa çatır.
