İranın qərb və mərkəzi hissəsində hava məkanı beynəlxalq tranzit uçuşlar üçün bağlanıb.
Manset.az xəbər verir ki, bu barədə ölkənin Yollar və Şəhərsalma Nazirliyi məlumat yayıb.
Nazirlik bildirir ki, Mülki Aviasiya Təşkilatının Koordinasiya Komitəsinin qərarı və təhlükəsizlik yoxlamaları səbəbindən bu bölgələrdə hava məkanı müvəqqəti olaraq bağlanıb.
Tehran və Təbriz də daxil olmaqla, ölkənin şimal, cənub və qərb bölgələrində daxili və beynəlxalq uçuşların dayandırılması sabah saat 14:00-dək uzadılıb. Şərqdə isə hava məkanı bütün uçuşlara açıqdır.
