Wipha qasırğası Honq-Konqu və Çini təsir altına alıb.
Manset.az xəbər verir ki, qasırğa nəticəsində 26 nəfər yaralanıb, 471 ağac yerindən qopub. Fırtına Honq-Konqda saatda 167 km sürətlə əsib, üç saat ərzində 110 millimetr yağış yağıb.
Honq-Konq Şərq Bölgəsi Şurasının üzvü Kenny Yuen bildirib ki, bu dəfə əvvəlki tayfunlardan fərqli olaraq ciddi dağıntılar olmayıb, yalnız yıxılan ağaclar və çökən bina qoruyucuları müşahidə edilib.
Hökumət, 26 nəfərin xəstəxanaya yerləşdirildiyini, 253 nəfərin sığınacaqlara sığındığını və 400 reysin təxirə salındığını açıqlayıb.
Çində güclü külək ağacların yollara aşmasına, görmə qabiliyyətinin zəifləməsinə səbəb olub.
